2022 жылдың 24-25 ақпанында Алматы қаласындағы Халықаралық «Мирас» мектебінде жыл сайынғы «БҰҰ моделі «MIS MUN-2022» конференциясы онлайн форматта өткізілді.

Бұл іс-шараға Нұр-Сұлтан, Мәскеу, Баку, Ереван, Орал, Алматы қалаларының студенттері мен мектеп оқушылары қатысты. Конференция ағылшын, қазақ, орыс тілдерінде жұмыс істеді.

«БҰҰ моделі «MIS MUN-2022» конференциясында нақты мәселелерді талқылауға бағытталған 6 комитеттің жұмысы ұсынылды:

• Қауіпсіздік Кеңесі  (Security Council) - бейбітшілік пен халықаралық қауіпсіздікке келетін заманауи қатерлер;
• Адам құқықтары жөніндегі комитет (Human Rights Committee) -  балалар мен жастарға қатысты зорлық-зомбылықты жою, адам саудасы және мигранттардың құқықтарын қорғау;
• экономикалық және қаржы комитеті (Economic and Financial Committee) - сауда тапшылығы және тиімді протекционизм, заманауи әлемдегі өндірісті дамыту;
• Қоршаған орта комитеті (Environmental Committee) - климаттың өзгеруі және ауыл шаруашылығының тұрақты дамуы,  биологиялық  жағынан ыдырамайтын материалдарды пайдалануды біртіндеп тоқтату,
• Дүниежүзілік денсаулық сақтауды ұйымдастыру комитеті (World Health Organization) - халықты вакцинациялауға байланысты мәселелерді шешу, дәрі-дәрмектердің «қара нарығының» пайда болуын болдырмау мүмкіндігі;  
• Ғылым және технологиялар жөніндегі комитет (Commission of Science and Technology for Development) - атом энергиясын бейбіт мақсатта пайдалану, гендік инженерия және наноспутниктерге технологиялық кедергілер жасау.

«БҰҰ моделі «MIS MUN-2022» онлайн-конференциясының жұмысы барысында қарастырылған мәселелер БҰҰ-ның шынайы күн тәртібінің бір бөлігі болатын. Форум делегаттары қазіргі заманның жаһандық проблемаларына жастардың назарын аудара алды, халықаралық құқық және қауіпсіздік, мемлекеттердің экономикалық және әлеуметтік дамуы саласындағы білімдерін кеңейте алды.

«БҰҰ моделі «MIS MUN-2022» онлайн-конференциясы жас делегаттардың өзара қарым-қатынасын, сонымен қатар БҰҰ, ЮНЕСКО, Қазақстан Республикасындағы шет мемлекеттердің елшіліктері мен консулдықтарының, халықаралық ұйымдардың өкілдерімен байланыс аясын кеңейтуге мүмкіндік берді.

«БҰҰ моделі «MIS MUN-2022» онлайн-конференциясының бас баяндамашысы (кейнот спикер) БҰҰ-ның Қазақстан Республикасындағы Жаһандық коммуникация департаментінің жетекшісі Властимил Самек болды.

«Мирас» мектебінің баспасөз орталығы жас журналистерінің АҚШ-тың Алматыдағы бас консулы Эрик Майер мырзамен, Қазақстандағы Ұлыбритания елшілігінің экономикалық мәселелер жөніндегі бірінші хатшысы Джон Райан мырзамен және Британ Кеңесінің Орталық Азия бойынша серіктестік бөлімінің бастығы Бен Грей мырзамен онлайн кездесулері өткізілді.

«Мирастың» жас тілшілері пандемия жағдайындағы балалардың құқықтары мен әл-ауқатын қорғау, жаһандық экономикалық дағдарыстың алдын алатын мемлекеттердің стратегиялары және халықаралық ұйымдардың беделді өкілдерінің «БҰҰ моделі «MIS MUN-2022» онлайн конференциясы қатысушыларына деген тілектеріне қызығушылық танытты.

Халықаралық «Мирас» мектебінің тарихында «БҰҰ моделі «MIS MUN-2022» конференциясының  алғашқы онлайн нұсқасы  өте жоғары деңгейде өтті. Бұған дәлел – конференция  қонақтары мен қатысушыларының ұйымдастыру комитетіне келесі жылы оффлайн режимде кездесуге тілек білдірген алғыс сөздері.