Алматы қ. «Мирас» халықаралық мектебі

Қазақстандағы алғашқы Халықаралық бакалавриат (IB) мектебі

IB мектебі

«Мирас» мектебі ізденімпаз, жан-жақты білімді және жауапкершілігі жоғары оқушыларды дамытуға жағдай туғыза отырып, балабақшадан бастап мектепті аяқтағанға дейінгі білім алудың барлық сатысында Халықаралық бакалавриаттың (IB) барлық үш білім беру бағдарламасын жүзеге асырады. Біздің білім беру бағдарламамыз Қазақстан Республикасы мемлекеттік жалпыға міндетті білім беру стандарты мен IB бағдарламасы талаптарын кіріктіреді, сондай-ақ Халықаралық мектептер кеңесі (CIS) стандартын да ескереді. Мұның барлығы әрбір оқушының жан-жақты дамуын қамтамасыз етуге бағытталған.

Бастауыш мектеп бағдарламасы

3–11 жас

«Мирас» халықаралық мектебінің бастауыш білім беру бағдарламасы 3 жастан 10 (11) жасқа дейінгі балаларға арналған және Халықаралық бакалавриаттың бастауыш мектеп бағдарламасы (IB PYP) талаптары мен ҚР мемлекеттік білім беру стандартын ескере отырып әзірленген.

Толығырақ білу →

Орта мектеп бағдарламасы

11–16 жас

«Мирас» халықаралық мектебінің орта мектеп бағдарламасы 11-16 жас аралығындағы оқушыларға (5-10-сыныптар) арналған. Бағдарлама Халықаралық бакалавриаттың орта мектеп бағдарламасы (IB MYP) талаптары мен ҚР мемлекеттік білім беру стандартын ұштастырады.

Толығырақ білу →

Дипломдық бағдарлама

16–18 (19) жас

«Мирас» халықаралық мектебінің жоғары сыныыбындағы оқу үдерісі оқушыларды академиялық тұрғыдан даярлауға, кәсіби бағдар беруге және әлемнің жетекші университеттерінеоқуға түсу үшін дайындауға бағытталған.

Толығырақ білу →

Неліктен «Мирасты» таңдайды?

Толығырақ

Алматы қ. «Мирас» халықаралық мектебі Қазақстан Республикасы мемлекеттік білім беру бағдарламасы мен Халықаралық бакалавриат (IB) бағдарламасын біріктіретін бірегей білім беру моделін ұсынады. IB халықаралық ұйымының ресми аккредиттеуінен өткен мектеп ретінде біз бастауыш мектеп бағдарламасынан (PYP) орта мектеп бағдарламасына (MYP) және жоғары мектептің дипломдық бағдарламасына (DP) дейінгі барлық білім беру сатысы арасындағы сабақтастықты қамтамасыз етеміз.

Мұндай тәсіл оқушылардың жоғары академиялық нәтижеге қол жеткізуіне, негізгі құзыреттерін дамытуына, халықаралық дүниетанымын кеңейтіп, өз күшіне деген сенімін арттыруына мүмкіндік береді. Бұл қасиеттер қазіргі әлемде табысты білім алу, кәсіби тұрғыдан өсу және өмір сүру үшін аса маңызды.

Ұлттық және халықаралық білім беру бағдарламаларын интеграциялау

Ұлттық және халықаралық білім беру бағдарламаларын өзара үйлестіру.
Әрбір оқушының мықты тұстарын, қызығушылығы мен мақсатын ескере отырып, жеке білім алу траекториясын қалыптастыру.
Оқу үдерісіне кәсіби қолдау көрсету және оқушыларға жан-жақты педагогикалық сүйемелдеу жасау.
Әр оқушыға жеке көңіл бөлуге, мұғалім мен оқушы арасында нәтижелі қарым-қатынас орнатуға мүмкіндік беретін шағын сыныптар.
Әлемнің жетекші университеттеріне түсуге мүмкіндік беретін халықаралық деңгейде мойындалған дипломдар.

Алматы қ. «Мирас» халықаралық мектебінің оқушылары халықаралық дүниетаным, мәдениетаралық өзара түсіністікті және еркін қарым-қатынас жасау дағдысын қалыптастыруға ықпал ететін көптілді әрі көпмәдениетті ортада білім алып, дамиды. Қазақ, ағылшын және орыс тілдерін күнделікті қолдану оқушылардың қазіргі қоғамда табысты өмір сүруіне қажетті тілдік және мәдени құзыреттерін дамытуға мүмкіндік береді.

Көптілді білім беру ортасы оқушылардың сенімді қарым-қатынас жасауына, жаңа идеялар мен көзқарастарды ашық қабылдауына, мәдени әралуандылықты құрметтеуіне және әлем азаматы ретіндегі жауапкершілігін сезінуіне ықпал етеді.

Қазақ, ағылшын және орыс тілдерінде білім алу.
Әралуандылық пен инклюзивтілікке негізделген халықаралық мектеп қауымдастығы.
Мәдениетаралық құзыреттілікті дамыту және әлем азаматы ретіндегі өз рөлін сезіну.
Француз және испан тілдерін қоса алғанда, қосымша шет тілдерін үйрену мүмкіндігі.
Білімін халықаралық деңгейде жалғастыруға және кәсіби мансабын қалыптастыруға қажетті коммуникативтік дағдыларды дамыту.

Алматы қ. «Мирас» халықаралық мектебінде біз әрбір оқушының жетістікке жетуге, жан-жақты дамуға және мектеп қауымдастығының толыққанды мүшесі ретінде өзін сезінуге құқығы бар деп есептейміз. Біздің инклюзивті білім беру тәсіліміз оқушыларға академиялық, әлеуметтік, эмоционалдық және тұлғалық даму бағыттары бойынша жан-жақты қолдау көрсетуді көздейді. Оқушылардың оқу үлгерімі мен саулығын қолдау бағдарламалары аясында әр баланың жеке қажеттілігін, қабілетін, мықты тұстары мен мақсаттарын ескере отырып, жеке қолдау көрсетеміз.

Құрметке, өзара түсіністікке, қабылдау мен қамқорлыққа негізделген орта қалыптастыру арқылы біз оқушылардың өзіне деген сенімін арттыруға, қиындықтарды еңсеру қабілетін дамытуға және мектеп қауымдастығына тиесілі екенін сезінуге көмектесеміз.

Оқу барысында жеке қолдау көрсету және оқытудың сараланған тәсілін қолдану.
Білім алуда ерекше қажеттілігі бар оқушыларға арнайы көмек көрсету.
Кәсіби психологиялық көмек пен кеңес беру.
Оқушылардың саулығын қолдау және қауіпсіздігін қамтамасыз етуге бағытталған кешенді бағдарламалар.
Қауіпсіз, достық қарым-қатынасқа негізделген және инклюзивті білім беру ортасы.
Оқушылардың, ата-аналардың және педагогтердің тығыз ынтымақтастығы.

«Мирас» халықаралық мектебінің түлектері білім алуды табысты жалғастыруға және болашақ кәсіби қызметінде жетістіктерге жетуге дайын. Жоғары академиялық талап, университетке түсу барысында көрсетілетін жеке қолдау және халықаралық деңгейде мойындалған дипломдардың арқасында оқушыларымыз Қазақстанның және әлемнің жетекші жоғары оқу орындарына оқуға түседі.

«Мирас» мектебінің түлектері – өзіне сенімді, дербес шешім қабылдай алатын, халықаралық көзқарасы қалыптасқан, болашағын өз қолымен құруға және таңдаған саласында жетістікке жетуге ұмтылатын жастар.