Құрметті достар!

«DARA» қайырымдылық қоры бізді «Pampers/ Diapers Drive» акциясына қатысуға шақырады.

Акция 25 қыркүйек пен 20 қазан аралығында өткізіледі.

Бастауыш пен орта мектеп  атриумдарында, балабақша мен мектепалдыда памперстерді жинауға арналған арнайы бұрыштар ұйымдастырылады.

Мектеп қауымдастығын түгелдей “Pampers/ Diapers Drive” қайырымдылық акциясына атсалысуға шақырамыз!

Келіңіздер, қайырымды істерді бірге жасайық!

     «ҚАЙЫРЫМ» сөзінің мәнісін әркім әрқалай қабылдайды.  Бұл сөзді естігенде біреу «іс-әрекет, амал», келесі біреу «көмек беру, жәрдем жасау» деп қабылдаса, ал тағы біреулер тағы басқа нәрсе деп ойлауы мүмкін. Заманауи әлемдегі негативтердің әсерінен бұл сөздің қатты басылып  қалғаны соншалық, көптеген мектеп оқушылары «Қайырымдылық деген не?» деген сұраққа жауап бере алмай жатады. 

     Көзіммен көріп, байқап жүргендерімді өздеріңізбен бөліскенді жөн көріп отырмын. Бірде, күздің бір күні болатын, ұлым оқитын мектепке, ата-аналар жиналысына бардым. Осы жиналыста бізге қатты науқасқа ұшырап, емге зәру қыз туралы  ақпарат жеткізілді. Қыз бала көрші сыныптың оқушысы екен. Қиындыққа тап болған отбасына қолдаушы - тек туған мектеп. Өздерінің жақын туыстары жоқ. Бұл жағдайды «Мирастағы» студенттерімізге жеткізуді өзіме парыз санадым. Мән-жайды алғаш естіген сәттен бастап студенттердің жан жылуын, қолдауын сезініп, көздерінен жәрдем беруге даяр екенін, қиындыққа тап болған жанның қасынан өте шықпайтынын, ешқашан бей-жай қарамайтынын  байқадым. Олар көмекке мұқтаж сырқат қыздың жан дауысын ести білді және бірден үн қосты. 

Анна Хачатрян қайырымдылық шараларын жылдам ұйымдастырып, науқас баланы қамқорлыққа алды. Содан бері біз осы отбасына тұрақты түрде келіп тұруға тырысып, барынша көмек көрсететін болдық. Өйткені, жақсылық жасау мерекелік сыйлықтың орнын алмастыра алады, науқас жанға қиындықтарды тезірек жеңуге, қайғылы сәтте көңілін көтеруге көмектеседі. Шынында да, бүгінгі күні, әрбір адам өзімен-өзі болып, жеке шаруасымен айналысып, өз басының қамын ойластырып жатқан кезде, күнделікті өмірде жанашырлық пен қолдауға орын табылмай қалып жатады. Телефон, компьютер дегеніңіз адамдардың шынайы қарым-қатынасын шеттетіп, орнын алмастырған заманда адами ізгі қасиеттер, жан жылуы азайды. Сондықтан бір-бірімізге мейірімді әрі жақын болуымыз керектігі жайлы жиі ойланғанымыз абзал. Осы жарық дүниеде күнделікті қарбалас тіршілікпен, кейде бақытсыздыққа ұшыраған адамды жалғыз қалдырмаудың өте маңызды екенін біле де бермейміз.

Ұлы жазушы әрі гуманист Антон Чехов: «Жақсылық жасауға асығыңыздар» деп бекер айтпаса керек.

3 «А» сыныбының жетекшісі

Л.К. Смородина

Құрметті достар!
Бәріміз жақсы көретін  Жаңа жыл мерекесі де жақындап келеді!
Жаңа жыл – қайырымды істерді жүзеге асыруға берілетін жақсы мүмкіндік!
Мектеп қауымдастығын түгелдей  жаңа жылдық қайырымдылық іс-шараларға қатысуға шақырамыз.
Мектебімізде 27 қарашадан 15 желтоқсанға дейін келесі қайырымдылық акциялары өткізіледі:

Бастауыш мектеп пен  негізгі мектеп  атриумында жылы заттар мен киімдерге арнап арнайы бұрыштар ұйымдастырылады.

Үстел үстінде ойнайтын ойындарды мектеп театрында өткізілетін фестивальге әкелу үшін 15 желтоқсанға дейін дайындап қою қажет. Барлық сыйлықтар Жаңа жыл  шыршасының астына қойылады. Фестиваль соңында жиналған сыйлықтар фестивальға қонақ  ретінде қатысатын №1 балалар үйінің тәрбиеленушілеріне беріледі.
Жаңа жыл мерекесі -  игі істерді орындап, жылулық сыйлайтын мереке!

Құрметті әріптестер, мектебіміздің қайырымдылық шараларына көп көңіл бөлетіні өздеріңізге жақсы мәлім.

Үстіміздегі оқу жылы басталғалы бері мектеп қауымдастығының түгелдей атсалысуымен бірнеше қайырымдылық шарасы өткізілді. Қайырымдылық акциялары бір-ақ мәрте ұйымдастырылатын, аяқсыз қалдыруға болатын іс емес. Оның үстіне бұл шаралар онкологиялық орталықта емделіп жатқан балаларға арнап өткізіледі.

Көптеген жылдар бойы Республикалық онкология және радиология институтының балалар бөліміне көмек көрсетіліп келеді, олар әртүрлі болып келеді, атап айтқанда: концерттер мен қуыршақ театрлары, асхана қабырғаларын безендіру, дәліздерді бөлме өсімдіктермен безендіру, бөлім дәліздері және бөлмелерін безендіруге үшін студенттердің өнер туындыларын тапсыру. Сондай-ақ балаларды емдеуге мұқтаж адамдарға бірнеше рет қаржылай мақсатты көмек көрсеттік.

2017 жылдың 8 қарашасы күні Онкология Институтына тағы да бардық. Студенттер кеңесінің өкілдері бұл жолы мектеп қауымдастығы атынан балалар бөліміне 61 125 теңге сомасына дәрі-дәрмекті сыйға тартты.

Бұл қаражат бірінші тоқсанда орта мектеп студенттер кеңесі өткізген қайырымдылық шарасының нәтижесінде жиналған болатын. Қайырымдылық іс-шараларға қатысқандарыңыз үшін алғыс айтамыз.

{gallery crop=1 width=345 height=150}/blagotvor/18/1{/gallery}

Игілікті істерді бірге жасайық! Бастауыш мектептің сыныптан.

тыс шараларды үйлестірушісі
Е.Г. Холина

Қымбатты достар, №1 балалар үйіне баратын жақсы дәстүріміз ары қарай жалғасуда!

14 қазан күні орта мектептің студенттер кеңесі 11 сынып жетекшісі Г.Д. Баяхметовамен бірге демалыс күндерін балалар үйінің тәрбиеленушілерімен бірге өткізді. Балалар үйімен алдын-ала хабарласқанымызда бізге «Жас Ұлан» тобындағы теледидардың істен шыққаны мәлім болды, сондықтан да оқушыларымыз оларға жаңа теледидар сыйлау қажет деген шешім қабылдады.

Өткен аптада 7А және 7D сынып оқушылары мен негізгі мектептің студенттер кеңесі қайырымдылық іс-шарасын ұйымдастырды, соның нәтижесінде 91 000 теңге жиналған болатын. Жиналған ақшадан 63 000 теңгеге теледидар сатып алуға жұмсалды. Қалған 28 000 теңге Алматыдағы Республикалық онкология және радиология институтының балалар онкология бөліміне дәрі-дәрмек алуға жұмсалатын болды.

Әдеттегідей, біздің мектептің оқушылары ата-анасыз қалған балалармен кездесуге үлкен жауапкершілікпен дайындалады. Бұл балаларға тек мейірімділік пен басқа балалармен қарым-қатынас қана керек. Олар келген қонақтарды зор қуанышпен қарсы алады, жаңа танысқан адамдарға өздерінің армандарын айтып, ойларымен бөліскісі келеді, сондай-ақ ескі достарын асыға күтеді.

Бұл жолы студенттеріміз үстел үстінде ойнауға арналған ойындарды  да қоса ала барды, студенттеріміз бен тәрбиеленушілер бірге қосылып ойын қызығына берілді.

«Action for children» жобасын қолдайтын жандардың барлығына рахмет айтамыз.

Қайырымды істерді бірге жасайық!

Директордың оқу-тәрбие істері жөніндегі орынбасары,  

бастауыш мектептің дене тәрбиесі пәнінің мұғалімі,

«Action for children» жобасының қатысушысы А.В. Курбанова

21 мамыр күні №1 балалар үйіне жасаған кезекті сапарымыз сәтті өтті. Бұл жолы қатарымызға ата-аналар мен студенттер де қосылды. Бұған біз өте қуаныштымыз! Ата-аналар комитетінің өкілі Элина Владимировна Винц және оның қызы 6С сынып оқушысы Цой Адель балалармен бірге витраждар жасады. Қарапайым техника, ерекше материалдар, картиналардағы қызықты сюжеттер балаларға көп қуаныш сыйлады және олар витраждарды даярлау процесін көңілді әрі қызықты өткізді! Татьяна Геннадьевна Напалкова балалар үшін қызықты және пайдалы сабақ дайындады. Ол кіші топ балаларымен бірге ермексазбен жұмыс істеді. Мүсіндеу – есте жақсы сақталып қалатын балалардың көркем шығармашылығының ең қызықты түрінің бірі. Әр балаға, тіпті кішкентай, көңілді кірпі жасаса да, өзін шебер және шығармашыл етіп сезінуге мүмкіндік берді. Бастауыш мектеп мұғалімі Tala Atos «Айгөлек» тобының қыздарына қарапайым өнімдерден әдемі ғана емес, сондай-ақ пайдалы заттарды жасауға тартып, оларды жаңа нәрселермен айналысуға баулыды. Қыздармен бірге фетрден (биязы жүннен жасалған киіз) қарындаштар мен қаламдардың әдемі сауыттарын даярлады. Алла Дмитриевна Дембаюк балаларды оригамидің сиқырлы әлемімен таныстыруын ары қарай жалғастырды. Бұл жолы Алла Дмитриевна оларға «Кусудама-шардың» пайда болуы туралы аңыз айтып берді. Жапон тіліндегі аңыздардың бірінде кусудама сөзі "кусури"( дәрі) және "тама"( шар) деген сөздердің жиынтығынан тұрады екен. Осылайша дәрі шары пайда болады. Осындай шарға дәрі-дәрмек шөптерді салып, оны науқас сауығып кетеді деген сеніммен сырқат адам төсегінің үстіне іліп қойған. Содан кейін бәрі бірге Кусудама сиқырлы шарын жасауға кірісті. Холина Елена Георгиевна қыздарды үстелге ыдыстарды орналастыру өнерімен таныстырды. Қыздардың бәрі болашақ ана, жар, қазан-ошақ иесі емес пе?! Елена Георгиевна қағазмайлықтың (салфетка) көмегімен үстел үстін әсем де ерекше етіп сәндеуге болатынын көрсетті. Бәрі бірігіп дастархан жайды. Осындай тартымды сабақтардан кейін қыздар өздерін нағыз аспаз ретінде сезіне алды! Бұл жолы олар өздері мұғалімдеріміз пісіріп әкелген бәлішті таңқураймен және үлпілдек пудингпен безендірді. Осы десерттің алғашқы тілігін «анашым» деп сүйіспеншілікпен атайтын тәрбиешісіне ұсынды.

Міне, шығармашылық жексенбі осылай қызықты да пайдалы өтті. Келіңіздер, қайырымды істерді бірлесе жасайық!

Бастауыш мектептің дене тәрбиесі пәнінің мұғалімі, «Action for children» жобасына қатысушысы Курбанова А.В.

• Category Title

©2016 OrdaSoft.com All rights reserved.

Құрметті достар, №1 балалар үйіне баратын сапарымыз ары қарай жалғасуда! Күн өткен сайын балалар үйінің тәрбиеленушілеріне көңіл бөлгісі келетін мұғалімдеріміздің саны артуда. Бұл жолы қатарымызға бастауыш мектеп мұғалімі Tala Atos қосылды, бұл сапар ұстаздың балалар үйіне барған алғашқы сапары болатын. Ол кіші топтың қыздарына арнап ерекше сабақ дайындады. Кәдімгі шұлықтан не жасауға болады деп ойлайсыздар? Тала қыздарға балалардың шұлықтарынан қызықты, түрлі-түсті қояндарды жасауды үйретті!!! Бұл сабақ кішкентай қыздарға ғана емес, сондай-ақ ересек топтағы қыздардың да көңілінен шықты.

Сондықтан да Тала келесі жолы «Нағыз қуыршақ жасауды үйретемін» деп уәде беріп кетті!

Ата-анасыз қалған балалар өздеріне бөлінетін көңілге және қарым-қатынасқа зәру. Олар қонақ келсе қуана қарсы алады, жаңа танысқан адамдарға арманын айтып, сырын бөліседі, ескі достарын асыға күтеді. Adam Huggins, Елена Холина және Зарина Елбаева әр демалыс сайын балалар үйінің тәрбиеленушілеріне өздерінің жан жылуын, көңіл шуағын, қамқор сезімін тарту етіп келеді. Олар балалармен бірге ойнап, кітап оқып, тіпті жай ғана әңгіме-дүкен құрады.

Біздің осы жолғы сапарымыз «Отан қорғаушылары күні» мерекесіне сәйкес келді. Біз бәліш, құймақ, бауырсақ пісірдік, «Айгөлек» қыздар тобымен бірге мерекелік дастархан әзірлеп, «Жас Ұлан» тобының ұлдарын қонаққа шақырдық, осылайша бәріміз бірге Отанымыздың болашақ қорғаушыларын мереке күнімен құттықтадық!

Оған қоса, аяқ астынан концерт ұйымдастырып жібердік. Қыздар көңілді «Бал дәурен» әнін шырқап, би билесе, «Жас Ұлан» тобынан шыққан Рома Корнеев баршаға танымал «Джули» әнін жақсылап орындап берді.

Содан соң шай ішілді, жақсы сұхбат құрылды. Бір сөзбен айтқанда, бәрі қызық, әдемі және дәмді болды!

«Action for children» жобасын қолдаушылардың бәріне зор алғыс айтамыз. Келіңіздер, қайырымды істерді бірлесе жасайық!

Бастауыш мектептің дене тәрбиесі пәнінің мұғалімі,
«Action for children» жобасына қатысушысы Курбанова А.В.

Күзде бастауыш мектептің студенттер кеңесінің «АРТ-терапия» қайырымдылық жобасы өз жұмысын бастады. Педиатрия және балалар хирургиясы Институтына (онкогематология бөлімшесі) арналған ең үздік суреттерге байқау жарияланды. Міне, қорытынды шығаратын кез келді. Бастауыш мектептің студенттері 35 сурет салды. Бастауыш мектептің ата-аналар комитеті балалардың суреттерін салатын жиектеме сатып алуға 27 000 теңге бөліп, акцияға қолдау көрсетті. Барлық сурет ауруханаға жеткізілді, балалар мен дәрігерлер бірнеше жұмысты таңдап алды, енді олар аурухана бөлмелері мен дәліздердің сәнін келтіріп тұратын болды.

Осы жұмыстардың авторларын құттықтаймыз! 2 Д сынып студенті Валентина Афонсоның жұмысы – «Көңілді марсиандар» триптихі, 2-сынып студенті София Түсіпбекованың жұмысы «Достар», 5-сынып студенті Есенгелдин Ерасылдың жұмысы «Теңіз» деп аталады.

Жарайсыңдар, балалар! Байқауға қатысқан баршаңызға көптен көп рахмет! Естеріңізде болса, студенттер кеңесі жоба жеңімпаздарына жүлде жариялаған болатын. Үздік суреттердің авторлары бастауыш мектеп студенттер кеңесімен бірге мамыр айында болатын сапарға бару марапатына ие болды.

Бастауыш мектеп іс-шараларының үйлестірушісі
Холина Елена Георгиевна

• Category Title

©2016 OrdaSoft.com All rights reserved.