Қайырымдылық

Қайырымдылық акцияларының анонстары

26 қаңтар - 6 ақпан аралығында Халакоста құрбандарын еске алуға арналған халықаралық акцияға қатысу.

6 наурыз. Халықаралық әйелдер мерекесі аясында Иванова Аняның көркем суреттерінің қайырымдылық көрмесі ұйымдастырылады. Төрт жыл бойы мектебіміз Аняға материалдық көмек көрсетіп келеді. Оның суретті жақсы салатынын білген соң негізгі мектептің студенттер кеңесі Иванова Аняның көркем суреттерінің қайырымдылық көрмесін ұйымдастыруды ұсынды. Аталмыш көрменің нәтижесінде жиналған барлық қаражат Аняға аударылады.

12 наурыз - Miras Para Sport. 11 және 12 IB сыныптарының оқушылары CAS бағдарламасы аясында церебралды сал ауруы бар балаларға арналған жарыс өткізеді.

18 сәуір. «Nauryz International Fest». №1 балалар үйінің, көру қабілеті нашар және есту қабілеті нашар балаларға арналған церебральды сал ауруы диагнозы бар балаларға арналған мектеп-интернатының тәрбиеленушілерін мерекеге шақырады. Сыйлықтарды тапсыру, әткеншекке міну, атқа міну, күймемен қыдыру, мерекелік дастархан, концертке қатысу, сонымен қатар, мектеп барлық қонақтарды тасымалдау үшін көлік қызметін ұйымдастырады.

Сәуір. «АЯЛА» қайырымдылық қорымен ынтымақтастық. (Болуы мүмкін акция: «Жеңімпаздар аллеясы». Балалар хосписінің аумағына тал егу)

22 сәуір - 6 мамыр - Ұлы Отан соғысы мен еңбек майданы ардагерлері мен қатысушыларына көмек көрсету мақсатында ұйымдастырылатын қайырымдылық акциялары. 2020 жылдың 8 мамырында өтетін мектеп мерекесіне шақыру. Барлық сыныптар әр қонаққа арнап азық-түлік кәрзеңкесін әзірлейді, ардагерді мектепке және үйге жеткізуді ұйымдастырады. Сонымен қатар, қайырымдылық шаралары нәтижесінде жиналған барлық қаражат ардагерлерге материалдық көмек ретінде беріледі.

Мамыр. Алматы қаласының сауда үйлеріндегі «Ерлік қорабы» қайырымдылық акциясы. Балалар хосписіндегі балаларға арнап ойыншықтар жинау.

Жоғарыда аталған әрекеттерден басқа, Қазақ онкология және радиология ғылыми-зерттеу институтының балалар бөлімімен, иесіз қалған жануарларға арналған баспаналармен, Алматы қаласының зообағымен ынтымақтастықты ары қарай жалғастырамыз.

Christmas charity actions

Қайырымдылық акциялары

Жаңа жыл - жақсы істерді жасайтын тамаша уақыт!

Біздің мектепте 9 - 13 желтоқсан аралығында Рождестволық қайырымдылық акциялары өткізілді.

Жылы киімдер, ойыншықтар, кеңсе заттарын жинау үшін бастауыш және орта мектеп атриумдарында, балабақша мен мектепалды ғимаратында арнайы бұрыштар ұйымдастырылды, оқушылар мен ата-аналар аталған шараға белсенді қатысып, Жаңа жылдық сыйлықтар әкелді, жүрек жылуымен бөлісті.

Осы іс-шаралардың нәтижесінде жиналған ойыншықтар, кітаптар, заттар, кеңсе тауарлары Қапшағай қаласындағы уақытша паналау орнындағы мүгедек жандар мен балаларға, Түйменбаев ауылындағы көп балалы және әлеуметтік жағдайы төмен отбасыларға, Талғардағы балалар үйлеріне, Алматыдағы «Солнышко» балалар үйіне берілді.

Қазақ онкология және радиология ғылыми-зерттеу институтының балалар бөлімінде біз жиі қонақта боламыз. Мереке қарсаңындағы қайырымдылық көмек жасап, ойыншықтар мен кітаптар жеткізу арқылы онкология институтында емделіп жатқан науқас балаларға мектеп қауымдастығы қолынан келген қолдауын көрсетті. 2019 жылдың 13 желтоқсанында 12 IB сыныбының оқушылары және мектеп ұстаздары Алматы онкология институтының балалар бөліміне материалдық көмек көрсетті, Рождестволық сыйлықтар жасады.

11 «А» сыныбы балалар бөліміне 55 мың 700 теңге көлемінде қаржылай көмек көрсетті. Бұл сома әрқайсысына 10 000 теңгеден мұқтаж болып отырған 5 балаға таратылды, қалған сома - 15 мың 700 теңге балалар бөлімін жөндеуге аударылды.

Балалар 12-сынып оқушылары мен CAS бағдарламасының үйлестірушісі Эриндам Банерджи дайындаған ойын бағдарламасына қатысты. 11 «А» сыныбы балалар бөліміне 55 мың 700 теңге көлемінде қаржылай көмек көрсетті. Бұл сома әрқайсысына 10 000 теңгеден аса мұқтаж болып отырған 4 балаға таратылды, қалған сома - 15 мың 700 теңге балалар бөлімін жөндеуге аударылды.

Осы сапарға қатысқан студенттер мен мұғалімдер бүкіл мектеп қауымдастығының атынан балаларды Жаңа жылмен құттықтап, олардың тезірек сауығып кетулеріне тілектестік білдірді.

Біздің мектептің №1 балалар үйімен ынтымақтастығы бұрыннан бері келе жатыр. Балаларды мектеп мерекелеріне жиі шақырамыз, өзіміз де балаларға қонаққа барамыз. Мектепте ұйымдастырылған қайырымдылық шаралар арқылы жиналған қаражат балалар үйіне беріледі. 16 желтоқсанда негізгі мектептің студенттер кеңесі, мұғалімдер мен ата-аналар комитетінің өкілдері балалар үйінің тәрбиеленушілеріне барып, үстел ойындары мен кітаптарды сыйға тартты. Сонымен қатар, бастауыш мектептің студенттер кеңесі жаңа жылдық демалысын Бурабай шипажайында өткізуді жоспарлаған алты тәрбиеленушінің 50 000 мың теңге сомасында пойызбен жүру жолақысын төледі.

«Мирас» мектебінің оқушылары мен мұғалімдері бірнеше жылдан бері ауыр дертке шалдығып, үйде емделіп жатқан №60 гимназияның оқушысы Аня Иванованы Жаңа жыл мерекесімен құттықтады. Мектеп қиын жағдайда қалған қыз бала мен оның анасына қамқор болып, қолдау көрсетіп келеді. Бұл жолы 10 «Д» сынып оқушылары тарапынан 70 000 мың теңге көлемінде материалдық көмек көрсетілді, 11 «А» және 11 «С» сынып оқушылары 148 500 теңге аударды. Аня мен оның анасы бүкіл мектеп қауымдастығына көрсеткен көмегі, қолдауы және жанашырлығы үшін алғысбілдірді.

Мүмкіндігі шектеулі балаларға арналған мектеп-интернаттармен ынтымақтастықта болу және қайырымдылық көмек көрсету - «Мирас» мектебінің қайырымдылық жобаларының бір бөлігі. 23 желтоқсан күні мектебіміз церебралды сал ауруы бар балаларға арналған №2 мектеп-интернатына мектеп автобусын беріп, интернаттың 30 тәрбиеленушісі «Атакент» көрме кешеніндегі жаңа жылдық қойылымға қатысып қайтты. Интернаттың әкімшілігі мен оның тәрбиеленушілері тасымалдауды ұйымдастыруға көмектескені үшін мектепке алғыс білдірді.

Мектептің Рождестволық қайырымдылық акцияларына қатысқан мектеп қауымдастығына түгелдей алғыс айтамыз!

Қайырымды істерді бірге жасайық!

Қайырымдылық акциялары

Жаңа жыл - жақсы істерді жасайтын тамаша уақыт!

Біздің мектепте 9 - 13 желтоқсан аралығында келесі Рождестволық қайырымдылық акциялары өткізіледі:

*Акцияның атауы*	*Не істейміз*	*Кімге*	*Ұйымдастырушылар*
«Жылу сыйла!»	Жылыкиімдержинаймыз: Ø Киім-кешек, аяқкиім (балаларменүлкендерге) Ø Көрпелер, пледтержәне т.б. «Солнышко» балаларүйініңтәрбиеленушілері Әлеуметтік жағдайы нашар отбасының балаларына.		Бастауыш және орта мектеп Студенттер кеңесі
«Бірге ойнайық!»	Үстел үстіндегі ойындар мен ойыншықтар жинаймыз №1 Балалар үйінің тәрбиеленушілері үшін Алматы қаласының ауруханаларында емделіп жатқан онкологиялық науқас балалар үшін		Бастауыш және орта мектеп Студенттер кеңесі
“Мейірім сыйла!”	Жинаймыз: Кеңсетауарлары(бояулар, қарындаштар, қылқаламдар, альбомдар) Балалар кітаптары Алматы қ.	Сәбилер үйі Балалар үйі Мүгедектер үйі Алматы қаласының ауруханаларында емделіп жатқан және онкологиялық науқас балалар үшін	«PRO DOBRO» еріктілер қозғалысы Бастауыш және орта мектеп Студенттер кеңесі

Бастауыш пен орта мектеп атриумдарында, балабақша мен мектепалдыда жылы киім-кешектерді, ойыншықтар мен кеңсе тауарларын жинауға арналған арнайы бұрыштар ұйымдастырылады.

Келіңіздер, қайырымды істерді бірге жасайық!

Емен жаңғақты күз - 2019

7-11 қазан аралығында біздің мектепте «Емен жаңғақты күз-2019» акциясы өткізілді. Бұл акцияның мақсаты хайуанаттар бағындағы жануарларға арнап емен жаңғақтары мен басқа да жаңғақтар жинау болатын.

Осы апта ішінде жүргізілген аталмыш іс-шараға мектеп қауымдастығы түгелдей белсенді түрде атсалысты. Қаланың саябақтарына емен жаңғақтарын жинау үшін сапар ұйымдастырылды, әрбір сынып бөлмесінен тілек білдірушілердің әкелетін жаңғақтары, шекілдеуік дәндері және емен жаңғақтарын жинастыратын бұрыш ұйымдастырылды.

Нәтижесінде 133,300 кг емен жаңғағы, 3,400 кг жаңғақ және 2,400 кг шекілдеуік дәні, 14 кг талшын (каштан), 1 кг құс жемі, 3,100 кг жер жаңғақ, 800 г кептірілген жемістер жиналды. 11 қазан күні мектептің студенттік кеңесінің өкілдері бүкіл мектеп қауымдастығының атынан «күз сыйын» хайуанаттар бағына алып барды.

Арнайы жинастырған қорек хайуанаттар бағының тұрғындарына ұнады деп үміттенеміз!

Хайуанаттар бағының әкімшілігі бізге ризашылығын білдірді және ынтымақтастықты одан әрі дамытудың белгісі ретінде хайуанаттар бағына тегін кіретін 32 билет ұсынды. Барлық шақыру билеті мұқтаж және аз қамтамасыз етілген отбасыларға беріледі.

Біздің оқушылар Жас натуралистер мектебіне арнап табиғат туралы кітаптар жинады және оларды Алматы хайуанаттар бағының қызметкерлеріне табыстады.

Қосымша файлдарда осы акция барысында түсірілген фотосуреттер берілген.

Қайырымды істерді бірге атқарайық!

Miras ALMAFEST 2019

9-13 қыркүйек күні Халықаралық «Мирас» мектебінде «Miras ALMAFEST» фестивалі өткізілді! Осы іс-шара Алматы қаласы күні және Халықаралық Бейбітшілік күні аясында ұйымдастырылды.

Апта ішінде тақырыптық сынып сағаттары, балалар жұмыстарының көрмесі, атриумда қала тарихына арналған көрме, үзіліс кезінде Ш. Айманов атындағы «Қазақфильм» киностудиясының «Қош бол, Медеу!», «Біздің сүйікті дәрігер», «Тақиялы періште» атты фильмдері көрсетілді. Балабақшада, бастауыш және негізгі мектепте алма жинауға арналған бұрыш ұйымдастырылып, безендірілді. Мектеп қауымдастығының барлық мүшелері атсалысып, бір апта ішінде жинаған алмалары №1 балалар үйінің тәрбиеленушілері мен Алматы қаласы Онкология институты балалар бөлімі пациенттеріне берілді.

Мұқтаж жандарға көмек берейік

Биылғы ақпан айының ортасында Халықаралық «Мирас» мектебінің 10 сынып оқушыларына «Право на любовь» Қоғамдық қорының президенті Макарова Мария Сергеевна арқылы Губина Надежда Михайловна мен оның немерелері Александр мен Анна көмекке және қолдауға өте мұқтаж болып отырғаны белгілі болды.

Қол ұшын сұраған өтінішке тек студенттер ғана емес, олардың отбасы, ата-аналары да бірден үн қосты. Небары екі күн ішінде ата-аналар Надежда Михайловнаға қажетті заттарын әкеп берді, ал жиналған қаржы Сашаға керекті заттарды сатып алуға жұмсалды. Осылайша бұл үйге де бақыт пен қуаныш орнады. Біздің балалар жаңа достар тапты, жүректері мейірімді екенін, сондай-ақ ешқашан не нәрсеге де бейжай қарауға болмайтынын жақсы түсінді!

Адамдар бір-біріне көмектесіп үйренбесе, онда жер бетіндегі адамдар да жойылады.

(Вальтер Скотт)

Поездка в детский дом №1

2019 жылдың 6 қаңтарында Халықаралық «Мирас» мектебінің оқушылары №1 балалар үйіне сапармен барып қайтты. Аталмыш мекеменің тәрбиеленушілері мен қызметкерлері бізді өте жылы, ашық-жарқын қарсы алды!

6 сынып оқушысы Кэролайн Дюбуа балаларға арналған түрлі іс-шаралар дайындаған болатын, олар: үш тілде (орыс, ағылшын және қазақ тілінде) ертегілер оқу, логикалық ойлауды дамытуға арналған ойындар ұсыну және т.б.
Балаларға ерекше ұнағаны «француз тілін үйрену» болды. Кэролайн оларға французша қарапайым сөздер мен сөз тіркестерін үйретті. Бұл Кэролайнның жаңа достарына алғаш рет келуі еді. Ол қатты толқыныста болды, сабағын жақсылап ойластырды. Отбасы мүшелері (анасы, ағасы мен сіңлісі) қолдау көрсетіп, осы қайырымдылық шарасына қатысты.

Балаларға Кэролайнның сабағы шынымен де қатты ұнады! Кэролайн және оның отбасы балаларға «французша сөйлеуге үйретеміз» деп уәде етті! Жақсы істерді бірге жасайық!
«Біреуге жақсылық жасайтын болсаңыз, қайырымдылықты сезінген жан сияқты өзіңіздің рахатқа бөленетініңізді ескеріңіз». (Унсур Аль Маали)

Қайырымдылық күні немесе «Ғажайып жұма»

Қандай жағдай болса да, жақындарымызға қол ұшын беруге тиіспіз,

оның ішінде ауыр сырқатқа душар болған балаға келгенде екі сөзге келуге болмас ...

Балаларға көңіл бөлудің ең жақсы тәсілі – оларға қуаныш сыйлау

Біздің мектеп №1 балалар үйінің тәрбиеленушілерін қашан да жадынан шығармайды.Мүмкіндігінше, оларға көңіл бөліп, қамқорлық көрсетеді. Сонымен, осы жолы біз балаларға қалалық хайуанаттар бағына кіретін 50 билетті табыстап, қуанышқа бөлей алдық. Біздің оқушылар өз кезегінде «Емен жаңғағы 2018» акциясына қатысып, нәтижесінде жиған емен жаңғақтары мен шекілдеуіктерін хайуанаттар бағындағы жануарларға жеткізіп берген болатын, осы мекеменің әкімшілігі кішкентай табиғат жанашырларына ризашылығын білдіріп, жоғарыда айтып өткен 50 дана билетті сыйға тартты. Желтоқсан айындағы мереке күндері балалар қалалық хайуанаттар бағының тұрғындарымен кездеседі және осы сапардан жақсы әсер алады, зор қуанышқа бөленеді деп үміттенеміз.

Балалардың арманын орындайық

Елімізде мыңдаған бала бағасы өте қымбат емге зәру, сондай-ақ олардың көпшілігіне шұғыл түрде ота жасалуы тиіс. Отбасына түскен ауыртпалықтан балалар материалдық қолдауға аса мұқтаж. Бұл жағдай баршамызға аян.

Өткен аптаның жұма күні тағы да бір жақсы амал жасалды. Шымкент қаласының 6 жасар тұрғыны Левин Никитаның отбасы хабарласып, бізден қол ұшын беруімізді сұраған болатын. Никита сол жақ жарты шарындағы ми ісігі диагнозымен Республикалық онкология институтында ем қабылдап жатыр. Орта мектептің студенттер кеңесі, мектеп қызметкерлері мен мұғалімдері 50 000 теңге көлемінде қаржылай көмек жинады.

Біздің мектепте жеке адам атына көмек көрсетуге бағытталған осындай іс-шаралар бірінші рет өткізіліп отырған жоқ. Біз осындай акцияларды «Балалардың арманын орындайық» деп атадық. Біз онкологиялық науқас балаларға ары қарай өмір сүруге қуат беретін арман-тілектерін орындауға, олардың емделуіне, операциясына, сондай-ақ оларға ойыншықтарды сатып алуға материалдық көмек көмектесеміз. Жағымды көңіл-күй, мейірім шуағы сырқат балалардың сауығып кетуіне әсер ететін өте мықты терапия.

Жаңа жыл қарсаңында балалар керемет ғажайыптарды күтеді, армандарының орындалғанын қалайды.

- Алматыдағы Онкологиялық институтта емделіп жатқан балалардың армандарын білеміз бе?

Онкология Институты сырқат балалардың біршама уақыт бойы екінші үйлеріне айналады, мұндағы балалардың қалауы, арманы әдетте басқа балалардікі сияқты. Тек тезірек сауығып, үйге қайтқысы келеді. Олар Аяз Атаны, оның сыйлықтарын күтуде. Осы бөлімшеде жатқан Никита Левин деген баланың да арманы бар екен, ол Аяз Атаға жазған хатында өзінің төрт аяқты досының болғанын армандайтынын жазған. Оның арманы - кіп-кішкентай аппақ шпиц иті.

Негізінде, балалар көбінесе техника сұрайды. Оларды да түсінуге болады. Өйткені, аурухана қабырғасында ұзақ болғанда смартфондар мен планшеттер алаңдамауға, көңілін аулауға көмектеседі.Жазда кезекті рет институтқа барғанымызда, аурухананың медициналық қызметкерлерінен Шымкенттің Сарыағаш ауданының түкпірінен келген науқас баланың арманын айтқан болатын. 6 жасар Махамбет Мақсат жазда ауруханада ми ісігі диагнозы бойынша ем қабылдап жатты. Бұл бала әлеуметтік жағдайы төмен отбасынан шыққан екен, ал арманы планшет алу болатын. Мақсаттың арманы аяқ асты қалмады, орындалды. Орта мектептің студенттер кеңесі планшетке қажетті қаражатты табыстады, аталған шараны қолдау үшін «Мирас Таймс» газетінің сатылымынан түскен қаражат қолданылды, мектеп қызметкерлері материалдық көмек көрсетті.

30 қараша, жұма күнгі сапар да қайрымдылыққа толы, өте жақсы болды.Біз балалардың жаңа жылдық тілектерін білдік, науқас баланың отбасына материалдық көмек көрсеттік, бөлімшеде жатқан балаларға жеміс-жидек ала бардық. Аязды күні мандариндер мен алмалардың аңқыған иісі балалардың Жаңа жылды асыға күтіп жүрген сезімдерін де күшейтіп жіберді, сауығу, ғажайыптар мен тосынсыйларды деген үміт отын жағуға әсер етті...

Мектептің қайырымдылық іс-шараларына қатысқан барлық әріптестерге, студенттерге және ата-аналарға алғыс айтамыз.

Қайырымды іс жасау мүмкіндігін ешқашан жіберіп алмаңыз! Жақсылық ешқашан да бекер болмайды!

«Сәбилер үйінің»

Құрметті достар!

Жаңа жыл сыйлықтарды алатын ғана емес, сонымен қатар басқаларға сыйлық жасауға, жылылық беруге, оларды мейірімге бөлеуге мүмкіндік беретін ғажап мереке. «Мирас» мектебінің студенттері қалыптасқан тамаша дәстүріміз бойынша қайырымдылық акциясына үзбей қатысып отырады. Қайырымдылық фестивалі аясында, 11 А/С сыныбының оқушылары ата-аналарымен және сынып жетекшісімен бірге қайырымдылық іс-шараларға үн қосып, Алматы облысы Шелек қаласындағы Сәбилер үйінде тұратын 0-4 жас аралығындағы тәрбиеленушілерге көмек көрсету туралы шешім қабылдады. Он бірінші сыныптықтар мен ата-аналар жалпы құны 400 000 теңге тұратын балаларға арналған жылы киімдер мен дамытушы үстел ойындарын сатып алды. Сыйлықтардың барлығы 30 қараша күні (жұма) Сәбилер үйінің бас дәрігеріне және «Дара» қайырымдылық қорының өкілдеріне тапсырылды.

Қайырымды істерді бірге атқарайық!