Орта сыныптар бағдарламасы (MYP)

MYP бағдарламасының негізгі ерекшелігінің бірі – оқытуға тұжырымдамалық қатынас. Негізгі және олармен байланысқа ие  тұжырымдамаларды зерттеу арқылы оқушыларда түрлі пән саласы мен контекстерде қолдануға болатын тереңірек түсінік қалыптасады. Бұл тәсіл жоғары академиялық талаптар деңгейін қамтамасыз ете отырып,  шығармашылық ойлау, мәселе шешу және халықаралық ойлау дағдысын  дамытуға ықпал етеді.

Академиялық білім алумен қатар, барлық оқушылар «Іс-әрекет арқылы қызмет ету» (Service as Action) компонентіне қатысады. Бұл бағыт қоғаммен мазмұнды өзара әрекеттесуге, жауапкершілік сезімін қалыптастыруға және алған білімі мен үйренген дағдысын сыныптан тыс ортада қолдануға мүмкіндік береді.

Екінші тілді (Language B) үйрету барысында саралау тәсілі қолданылады: оқушылар тіл меңгеру деңгейіне сәйкес топтарға бөлінеді. Бұл оқыту тиімділігін арттырып, әр оқушының жеке білім алу қажеттілігін ескеруге мүмкіндік береді.

«Мирас» халықаралық мектебі шетелдік оқушыларға Қазақстан тарихын, мәдениетін, дәстүрін және қазіргі өмірін тереңірек тануға көмектесуге тырысады. Мазмұнды әрі тәжірибеге бағытталған оқып-үйрену арқылы оқушылар елдің тарихи-мәдени мұрасымен, құндылықтары және ұлттық болмысымен танысып, мәдени әр алуандық пен жергілікті дәстүрге құрметпен қарауға үйренеді.
Оқыту сондай-ақ қазақ және орыс тілдерінде ауызекі сөйлеудің бастапқы дағдысын дамытуға да ықпал етеді. Бұл оқушыларға күнделікті жағдаяттарда қарым-қатынас жасауға, жергілікті қоғамдастық өміріне белсендірек араласып, өздерін сенімдірек сезінуге көмектеседі.

Біздің мектеп оқушылардың түрлі академиялық және тілдік қажеттілігін ескеретін көптілді білім беру ортасын туғыызады. Отбасы үш тілдік бағыттың бірін таңдай алады: орыс тілінде оқыту бағыты (Russian Taught Stream, RTS); қазақ тілінде оқыту бағыты (Kazakh Taught Stream, KTS); ағылшын тілінде оқыту бағыты (English Taught Stream, ETS). Бұл оқушыларға өз білім алу және мәдени контексіне, сондай-ақ жеке оқу мақсатына мейлінше сәйкес келетін тілдік ортада білім алуға мүмкіндік береді.
Ағылшын тілі – мектеп қауымдастығының негізгі оқу және қарым-қатынас тілінің бірі. Ағылшын тілінде оқу бағытымен қоса, орыс және қазақ тілдерінде білім алатын оқушылар да 9-10-сыныптарда жекелеген пәндерді ағылшын тілінде оқу арқылы ағылшын тілінде сөйлеу дағдысын жетілдіріп, жүйелі түрде деңгейін арттыра алады.
Бұл курстар халықаралық ортада білім алуға және қарым-қатынас жасауға қажетті тиімді коммуникативтік дағдыны қалыптастыруға ықпал етеді. Бұдан өзге, олар жоғары сыныптарда, соның ішінде Халықаралық Бакалавриаттың жоғары сыныптарға арналған Дипломдық бағдарламасы (IB Diploma Programme, 11-12-сыныптар) шеңберінде ағылшын тілінде білім алуды жоспарлаған оқушыларды дайындауға көмектеседі.

«Мирас» халықаралық мектебінде STEAM-білім беру 5-сыныптан бастап пәнаралық оқыту мен зерттеуге негізделген қатынас арқылы жаратылыстану ғылымдарын, технологияны, инженерияны, өнерді және математиканы біріктіреді. Оқушылар практикалық жобаларға қатысады, робот техникасымен және бағдарламалаумен айналысады, дрондармен жұмыс істеп, инженерлік есептер шешеді және алған білімін нақты өмірдегі мәселелерді шешу үшін қолданады.

Бұл тәсіл Халықаралық бакалавриаттың оқыту принциптеріне сәйкес шығармашылық және сыни ойлауды, ынтымақтастық дағдысын және цифрлық сауаттылықты дамытуға ықпал етеді.

«Мирас» мектебі заманауи технологиялар мен инженерлік принциптерді оқып-үйрену арқылы оқушылардың цифрлық сауаттылығын, шығармашылық және сыни ойлау қабілетін, сондай-ақ мәселені шешу дағдысын дамытуға ұмтылады. Оқушылар бағдарламалау тілдерімен, заманауи компьютерлік технологиялар және робот техникасымен танысады, сондай-ақ практикалық және жобалық оқыту шеңберінде дизайн-ойлау принциптерін  меңгереді.

Оқыту технологияларды жауапты әрі этика тұрғысынан пайдалану дағдысын да қалыптастырады. Бұл оқушылардың цифрлық мәдениетін дамытуға және технологиялардың қарқынды дамуы жағдайында әрі қарай білім алуға әрі кәсіби қызметке дайындалуына көмектеседі.

Өнер бағдарламасы музыка, бейнелеу өнері және драма өнері бағытында ұсынылады және Халықаралық бакалавриаттың MYP бағдарламасы талаптары мен философиясына сәйкес жүзеге асырылады. Ол оқушылардың шығармашылық қабілетін, өзіндік ойын көркем түрде жеткізу дағдысы мен көркем ойлауын дамытуға ықпал етеді, сондай-ақ, алуан түрлі өнер арқылы өзіне деген сенімін, коммуникативтік дағдысын қалыптастыруға көмектеседі.
Оқу жылы бойы оқушылар мектеп қойылымдарына, көрмелерге және шығармашылық іс-шараларға белсене қатысады. Бұл оларға өз талантын сахнада көрсетуге және мектеп қауымдастығының мәдени өміріне үлес қосуға мүмкіндік береді. Осындай іс-шараларға қатысу орындаушылық шеберлікті, ынтымақтастық пен командада жұмыс істеу қабілетін, сондай-ақ шығармашылық ортадағы жауапкершілік сезімін дамытуға ықпал етеді.