«Мирас» мектебі туралы

Негізгі фактілер

Халықаралық деңгейде мойындалуы

«Мирас» халықаралық мектебі Халықаралық Бакалавриат ұйымының (IB World School)  авторизациясынан өткен мектеп болып табылады және үш IB бағдарламасын іске асырады:

• Primary Years Programme (PYP) – Бастауыш мектеп бағдарламасы;
• Middle Years Programme (MYP) – Негізгі мектеп бағдарламасы;
• Diploma Programme (DP) –  Дипломдық бағдарлама.

Сондай-ақ мектеп Халықаралық мектептер кеңесінің (Council of International Schools, CIS) аккредитациясынан өткен және UNESCO Associated Schools пен ECIS халықаралық білім беру ұйымының мүшесі болып табылады.

Кіріктірілген білім беру бағдарламалары

• мемлекеттік  әрі халықаралық стандарттарға сәйкес білім алуға;
• табысты оқу мен кәсіби дамуға қажетті білім, дағды және құзыреттер меңгеруге;
• академиялық ортада және күнделікті өмірде бірнеше тілде еркін қарым-қатынас жасауға;
• сыни ойлау қабілетін, шығармашылығын, зерттеу дағдыларын және жаһандық дүниетанымын дамытуға;
• Қазақстан мен әлемнің жетекші университеттерінде білімін сәтті жалғастыруға мүмкіндік береді.

Заманауи білім беру ортасы

Мектептің заманауи кампусы мектепке дейінгі білім беру, бастауыш және орта мектепке арналған жеке ғимараттарды, сондай-ақ кең спектрлі арнайы жабдықталған оқу және спорт кеңістіктерін қамтиды, олардың қатарында:

• заманауи ғылыми зертханалар;
• компьютерлік сыныптар мен робот техникасы зертханалары;
• STEAM-зертханалары;
• бейнелеу өнері, музыка және хореография кабинеттері;
• кітапханалар;
• концерт залдары;
• жабық жүзу бассейні;
• спорт залдары мен ашық спорт алаңдары;
• түрлі жастағы балалардың белсенді демалуына, қарым-қатынас жасауына және дене дамуына қауіпсіз жағдай жасайтын заманауи ойын алаңдары бар.

Мектептің заманауи инфрақұрылымы әрбір оқушының білім алуына, зерттеу жүргізуіне, шығармашылықпен айналысуына және өз әлеуетін ашуына мүмкіндік беретін қауіпсіз, жайлы әрі ынталандырушы білім беру ортасын туғызады.

Даму үшін қосымша мүмкіндіктер

«Мирас» халықаралық мектебіндегі білім беру үдерісі оқу бағдарламасымен ғана шектелмейді. Оқушылар спорт секцияларына, шығармашылық студияларға, робот техникасы үйірмелеріне, Model United Nations (MUN), тіл курстарына, көшбасшылық бағдарламасы мен волонтерлік жобаларға қатысу арқылы өз таланты мен қызығушылығын ұштай алады.

Өз қабілеттерін одан әрі жетілдіруге ұмтылатын оқушылар үшін Қосымша білім беру орталығы өнер, музыка, спорт, шет тілдері және нақты ғылымдар бағыттары бойынша түрлі мамандандырылған курстар ұсынады.

Мұндай қатынас тұлғаның жан-жақты дамуына жағдай жасап, әрбір баланың әлеуетін ашуға және заманауи әлемде табысты өмір сүруге қажетті дағдыларын қалыптастыруға көмектеседі.

Табысты болашаққа дайындық

«Мирас» халықаралық мектебінің түлектері әлемнің жетекші университеттері мойындайтын білім жөніндегі құжаттарға ие болып, Қазақстанда және шетелде оқуын сәтті жалғастырады. Халықаралық Бакалавриаттың оқушы бейіні (IB Learner Profile) құндылықтарын басшылыққа ала отырып, мектеп білімді, жауапты, елгезек және әлемге ашық, жылдам өзгермелі заманда табысты өмір сүруге және кәсіби қызмет атқаруға дайын жас буын тәрбиелейді.