Студенттер кеңесі
Оқушылар дауысы, көшбасшылық пен бастамаларға арналған кеңістік
«Мирас» халықаралық мектебінің Студенттік кеңесі мектеп қоғамдастығының белсенді әрі маңызды бөлігі болып табылады, ол оқушыларға көшбасшылық қабілеттерін дамытуға, бастама көтеруге және мектеп өміріне елеулі үлес қосуға мүмкіндік береді.
Кеңес оқушылар пікірін ұсынады, оқушылар мен мұғалімдер арасындағы ынтымақтастыққа ықпал етіп, оң, инклюзивті және қолдаушы білім беру ортасын құруға көмектеседі.
Миссия мен мақсаттар
Студенттік кеңес:
- оқушылар бастамасы мен шығармашылық идеясын қолдауға;
- оқушылар, мұғалімдер және мектеп басшылығы арасындағы байланысты нығайтуға;
- жауапкершілік, көшбасшылық қасиет пен халықаралық ойлауды дамытуға;
- ортақ мектеп қауымдастығына жергілікті және шетелдік оқушыларды топтастыруға;
- оқушылар амандығы мен мектеп жұртшылығының дамуына ықпал етуге ұмтылады.
Кеңес студенттердің оң өзгерістер енгізуге дайын белсенді әрі жауапты қоғамдастық мүшесіне айналуға көмектеседі.
Студенттік көшбасшылық құрылымы
Студенттік кеңеске енетіндер:
Студенттік кеңес басқармасы
- Президент;
- Вице-президент;
- Хатшы / Қазынашы.
Сынып өкілдері
3-12-сынып өкілдері өз сыныптастарымен тығыз жұмыс істейді, идеялар мен ұсыныстар жинайды, сонымен қатар Мектеп комитеттері жұмысына және әртүрлі бастамаларға қатысады.
Қызмет және жобалар
Студенттік кеңесі әртүрлі мектеп іс-шаралары мен бастамаларын ұйымдастырады және қолдау көрсетеді, соның ішінде:
- қайырымдылық іс-шаралары және қаражат жинау шаралары;
- мектеп қауымдастығын нығайтуға бағытталған іс-шаралар;
- оқушылар бастаған науқандар мен жобалар;
- мәдени және қоғамдық іс-шаралар;
- ақпараттық және ағартушылық бастамалар;
- көшбасшылықты дамыту және әлеуметтік бағдарлы оқыту жөніндегі іс-шаралар.
Мектеп өмірін жетілдіруде оқушылар пікірі маңызды рөл атқарады. Студенттік кеңес мүшелері мектеп қауымдастығының дамуы мен нығаюына ықпал ететін идеяларды белсенді түрде ұсынады.
Болашақ көшбасшыларды қалыптастыру
Студенттік кеңеске қатысу оқушылардың келесі дағдыларының дамуына көмектеседі:
- көшбасшылық қасиет пен топтық жұмыс дағдысы;
- қарым-қатынас дағдысы және көпшілік алдында сөйлеу дағдысы;
- жауапкершілік және бастамашылық;
- ұйымдастыру және жоба басқару дағдысы;
- әлеуметтік жауапкершілік және қоғамдастық өміріне қатысу.
Мәнді ықпал
Студенттік кеңес оқушыларды өз қоғамдастығы мен жалпы қоғамға маңызды ықпал етуге дайын сенімді, жауапты, қамқор және халықаралық ойлауға ие көшбасшы болуға жігерлендіреді.